ਕੱਟ ਆਊਟ ’ਤੇ ਲਿਖਿਆ -ਮੈਂ ਯਮੁਨਾ ਸਾਫ ਨਹੀਂ ਕਰਵਾ ਸਕਿਆ, ਮੈਨੂੰ ਮੁਆਫ਼ ਕਰਨਾ
ਨਵੀਂ ਦਿੱਲੀ/ਬਿਊਰੋ ਨਿਊਜ਼ : ਦਿੱਲੀ ਵਿਧਾਨ ਸਭਾ ਚੋਣਾਂ ਦੌਰਾਨ ਅਰਵਿੰਦ ਕੇਜਰੀਵਾਲ ਖਿਲਾਫ਼ ਚੋਣ ਲੜਨ ਰਹੇ ਪ੍ਰਵੇਸ਼ ਵਰਮਾ ਅੱਜ ਯਮੁਨਾ ਘਾਟ ’ਤੇ ਪਹੁੰਚੇ ਅਤੇ ਉਹ ਕਿਸ਼ਤੀ ’ਚ ਸਵਾਰ ਹੋ ਕੇ ਯਮੁਨਾ ਨਦੀ ਦੇ ਵਿਚਕਾਰ ਗਏ। ਜਿੱਥੇ ਉਨ੍ਹਾਂ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਕੱਟ ਆਊਟ ਨੂੰ ਯਮੁਨਾ ਨਦੀ ਵਿਚ ਡਬੋ ਦਿੱਤਾ। ਕੇਜਰੀਵਾਲ ਦੇ ਕੱਟ ਆਊਟ ’ਤੇ ਲਿਖਿਆ ਹੋਇਆ ਸੀ ਕਿ ਮੈਂ ਫੇਲ੍ਹ ਹੋ ਗਿਆ, ਮੈਨੂੰ ਮੁਆਫ਼ ਕਰ ਦੇਣਾ। ਕੱਟ ਆਊਟ ਵਿਚ ਕੇਜਰੀਵਾਲ ਨੇ ਕੰਨ ਫੜੇ ਹੋਏ ਸਨ।
ਭਾਜਪਾ ਆਗੂ ਪ੍ਰਵੇਸ਼ ਵਰਮਾ ਨੇ ਕਿਹਾ ਕਿ ਕੇਜਰੀਵਾਲ ਯਮੁਨਾ ਸਫਾਈ ਦਾ ਆਪਣਾ ਵਾਅਦਾ ਪੂਰਾ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਦਿੱਲੀ ਵਿਚ ਸਾਡੀ ਸਰਕਾਰ ਬਣਦਿਆਂ ਹੀ ਸਾਬਰਮਤੀ ਰਿਵਰ ਫਰੰਟ ਦੀ ਤਰ੍ਹਾਂ ਯਮੁਨਾ ਰਿਵਰ ਫਰੰਅ ਬਣਾਇਆ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਦਿੱਲੀ ਵਿਧਾਨ ਸਭਾ ਲਈ ਆਉਂਦੀ 5 ਫਰਵਰੀ ਨੂੰ ਵੋਟਾਂ ਪਾਈਆਂ ਜਾਣਗੀਆਂ ਜਦਕਿ ਇਨ੍ਹਾਂ ਚੋਣਾਂ ਦੇ ਨਤੀਜੇ 8 ਫਰਵਰੀ ਨੂੰ ਐਲਾਨੇ ਜਾਣਗੇ।
