ਵਾਸ਼ਿੰਗਟਨ: ਅਮਰੀਕਾ ਵਿੱਚ ਗ੍ਰੀਨ ਕਾਰਡ ਦੀ ਉਡੀਕ ਕਰ ਰਹੇ ਭਾਰਤੀ ਨਾਗਰਿਕਾਂ ਲਈ ਰਾਹਤ ਦੀ ਖ਼ਬਰ ਹੈ। ਫੈਮਿਲੀ ਕੈਟੇਗਰੀ ਤਹਿਤ ਵੀਜ਼ਾ ਦੀਆਂ ਤਰਜੀਹੀ ਤਾਰੀਖਾਂ ਵਿੱਚ ਅੱਗੇ ਵਾਧਾ ਕੀਤਾ ਗਿਆ ਹੈ। ਨਵੇਂ ਵਿੱਤੀ ਸਾਲ ਦੀ ਸ਼ੁਰੂਆਤ 1 ਅਕਤੂਬਰ ਤੋਂ ਹੋਣ ਨਾਲ ਯੋਗ ਬਿਨੈਕਾਰਾਂ ਲਈ ਨਵੇਂ ਵੀਜ਼ਾ ਨੰਬਰ ਉਪਲਬਧ ਹੋਣਗੇ। ਇਸ ਬਦਲਾਅ ਨਾਲ ਲੰਬੇ ਸਮੇਂ ਤੋਂ ਗ੍ਰੀਨ ਕਾਰਡ ਦੀ ਉਡੀਕ ਕਰ ਰਹੇ ਕੁਝ ਭਾਰਤੀ ਬਿਨੈਕਾਰਾਂ ਦੀਆਂ ਅਰਜ਼ੀਆਂ ਅੱਗੇ ਵਧਣ ਦੀ ਸੰਭਾਵਨਾ ਬਣੀ ਹੈ। ਵੀਜ਼ਾ ਉਪਲਬਧਤਾ ਸਬੰਧੀ ਤਾਰੀਖਾਂ ਕੈਟੇਗਰੀ ਅਨੁਸਾਰ ਵੱਖਰੀਆਂ ਰਹਿਣਗੀਆਂ।