ਤਾਜਪੋਸ਼ੀ ਤੋਂ ਬਾਅਦ ਕਿੰਗ ਚਾਰਲਸ ਦੀ ਇਹ ਪਹਿਲੀ ਭਾਰਤ ਯਾਤਰਾ
ਨਵੀਂ ਦਿੱਲੀ/ਬਿਊਰੋ ਨਿਊਜ਼ : ਬਿ੍ਟੇਨ ਦੇ ਮਹਾਰਾਜਾ ਚਾਰਲਸ ਇਕ ਨਿੱਜੀ ਦੌਰੇ ’ਤੇ ਭਾਰਤ ਪਹੁੰਚੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਉਹ ਆਪਣੀ ਪਤਨੀ ਕਵੀਨ ਕੈਮਿਲਾ ਦੇ ਨਾਲ ਬੈਂਗਲੁਰੂ ਦੇ ਵਾਈਟ ਫੀਲਡ ਨੇੜੇ ਇਕ ਮੈਡੀਕਲ ਫੈਸਿਲਟੀ ‘ਹੋਲੀਸਿਟਕ ਹੈਲਥ ਸੈਂਟਰ’ ਵਿਚ ਠਹਿਰੇ ਹਨ। ਧਿਆਨ ਰਹੇ ਕਿ ਪਿਛਲੇ ਸਾਲ 6 ਮਈ ਨੂੰ ਬਿ੍ਰਟੇਨ ਦੇ ਮਹਾਰਾਜਾ ਦੇ ਤੌਰ ’ਤੇ ਤਾਜਪੋਸ਼ੀ ਦੇ ਬਾਅਦ ਚਾਰਲਸ ਪਹਿਲੀ ਵਾਰ ਬੈਂਗਲੁਰੂ ਪਹੁੰਚੇ ਹਨ।
ਆਪਣੀ ਤਿੰਨ ਦਿਨਾਂ ਦੀ ਯਾਤਰਾ ਦੌਰਾਨ ਕਿੰਗ ਅਤੇ ਕਵੀਨ ਯੋਗ, ਮੈਡੀਟੇਸ਼ਨ ਸੈਸ਼ਨ ਅਤੇ ਥੈਰੇਪੀ ਲੈ ਰਹੇ ਹਨ। ਚਾਰਲਸ ਅਤੇ ਕੈਮਿਲਾ 30 ਏਕੜ ਦੀ ਮੈਡੀਕਲ ਫੈਸਿਲਟੀ ਵਿਚ ਔਰਗੈਨਿਕ ਫਾਰਮ ਅਤੇ ਲੰਬੀ ਵਾਕ ਦਾ ਵੀ ਅਨੰਦ ਲੈ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਚਾਰਲਸ ਨੂੰ ਥੈਰੇਪੀ ਦੇਣ ਦੇ ਲਈ ਸੈਂਟਰ ਵਿਚ ਖਾਸ ਟੀਮ ਨੂੰ ਤਿਆਰ ਕੀਤਾ ਗਿਆ ਹੈ। ਇਸ ਦੌਰਾਨ ਉਹ ਇਕ ਖਾਸ ਡਾਈਟ ਵੀ ਫੌਲੋ ਕਰ ਰਹੇ ਹਨ।
