ਨਵਜੋਤ ਸਿੱਧੂ ਦਾ ਵੱਡਾ ਧਮਾਕਾ, ਆਪਣੇ tweet ‘ਚ ਰੰਧਾਵਾ ਨੂੰ ਵੀ ਕੀਤਾ ਸ਼ਾਮਿਲ
ਪੰਜਾਬੀ ਡੈਸਕ:- ਬਰਗਾੜੀ ਅਤੇ ਬਹਿਬਲ ਕਲਾਂ ਗੋਲੀ ਕਾਂਡ ਖਿਲਾਫ ਕਈ ਵਾਰ ਕੈਪਟਨ ਅਮਰਿੰਦਰ ਸਿੰਘ ਤੇ ਕਈ ਵਾਰ ਬਾਦਲ ‘ਤੇ ਹਮਲਾ ਕਰਨ ਵਾਲੇ ਸਾਬਕਾ ਮੰਤਰੀ ਨਵਜੋਤ ਸਿੱਧੂ ਨੇ ਇਕ ਵਾਰ ਫਿਰ ਬਾਦਲ ਪਰਿਵਾਰ ‘ਤੇ ਵੱਡਾ ਹਮਲਾ ਬੋਲਿਆ ਹੈ। ਭਾਵੇਂ ਨਵਜੋਤ ਸਿੱਧੂ ਦੀ ਮੰਗ ਪੁਰਾਣੀ ਹੈ, ਪਰ ਇਸ ਵਾਰ ਕੀਤੇ ਗਏ ਟਵੀਟ ਨੂੰ ਹੋਰ ਜ਼ਿਆਦਾ ਧਿਆਨ ਮਿਲ ਰਿਹਾ ਹੈ ਕਿਉਂਕਿ ਇਸ ਟਵੀਟ ਵਿੱਚ ਸਿੱਧੂ ਨੇ ਕੈਪਟਨ ਅਮਰਿੰਦਰ ਤੋਂ ਨਾਰਾਜ਼ ਕੈਬਨਿਟ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੀ ਵੀ ਗੱਲ ਕੀਤੀ। ਇੰਨਾ ਹੀ ਨਹੀਂ, ਸਿੱਧੂ ਨੇ ਇਸ ਟਵੀਟ ਦੇ ਨਾਲ ਜੋ ਵੀਡੀਓ ਸਾਂਝੀ ਕੀਤੀ ਹੈ, ਉਸ ਵੀਡੀਓ ‘ਚ ਰੰਧਾਵਾ ਵੀ ਉਨ੍ਹਾਂ ਨਾਲ ਦਿਖਾਈ ਦੇ ਰਹੇ ਹਨ।
ਸੋਸ਼ਲ ਮੀਡੀਆ ਦੇ ਜ਼ਰੀਏ ਸਿੱਧੂ ਨੇ ਇਕ ਵਾਰ ਸਿੱਧੇ ਤੌਰ ‘ਤੇ ਬਾਦਲ ਨੂੰ ਬੇਅਦਬੀ ਅਤੇ ਗੋਲੀ ਕਾਂਡ ਲਈ ਜ਼ਿੰਮੇਵਾਰ ਠਹਿਰਾਉਂਦਿਆਂ ਕਿਹਾ ਕਿ, ਗੋਲੀ ਕਾਂਡ ਦੀ ਜਾਂਚ ਲਈ ਕੋਈ SIT ਦੀ ਲੋੜ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ, ਪੰਜਾਬ ਪੁਲਿਸ ਹਰ ਰੋਜ਼ ਰਾਜ ਵਿੱਚ ਹਜ਼ਾਰਾਂ ਕੇਸਾਂ ਦਾ ਹੱਲ ਕਰ ਰਹੀ ਹੈ, ਉਸ ‘ਚ ਕਿਸੇ ਵੀ SIT ਜਾਂ ਕਮਿਸ਼ਨ ਦੀ ਲੋੜ ਨਹੀਂ ਹੁੰਦੀ। ਉਨ੍ਹਾਂ ਕਿਹਾ ਕਿ, ਉਹ ਕਈ ਵਾਰ ਦੋਵਾਂ ਮਾਮਲਿਆਂ (ਬਰਗਾੜੀ ਅਤੇ ਬਹਿਬਲ ਕਲਾਂ ਗੋਲੀਬਾਰੀ) ਵਿੱਚ ਬੱਦਲਾਂ ਦੀ ਭੂਮਿਕਾ ਬਾਰੇ ਦੱਸ ਚੁੱਕਾ ਹੈ। ਸਿੱਧੂ ਨੇ ਕਿਹਾ ਕਿ, ਸਾਲ 2018-19 ਵਿਚ ਵੀ ਸੁਖਜਿੰਦਰ ਸਿੰਘ ਰੰਧਾਵਾ ਨਾਲ ਮਿਲ ਕੇ ਇਨਸਾਫ ਦੀ ਮੰਗ ਕੀਤੀ ਸੀ।
ਵੀਡੀਓ ਵਿੱਚ ਸਿੱਧੂ ਕਹਿ ਰਹੇ ਹਨ ਕਿ, ਉਨ੍ਹਾਂ ਉਸ ਵਿਅਕਤੀ ਤੋਂ ਕਿਵੇਂ ਮੁਆਫੀ ਮੰਗੀ ਜਿਸਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਨੇ ਤਨਖਾਹ ਦੇਣ ਵਾਲਾ ਦੱਸਿਆ ਹੈ? ਇਸ ਨਾਲ, ਬਾਦਲ ਨੂੰ ਜਵਾਬ ਦੇਣਾ ਚਾਹੀਦਾ ਹੈ ਕਿ,ਉਨ੍ਹਾਂ ਕਿਸ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਨੂੰ ਆਪਣੀ ਕੋਠੀ ਵਿੱਚ ਬੁਲਾਇਆ ਸੀ। ਸਿੱਧੂ ਨੇ ਪੁੱਛਿਆ ਕਿ, ਬਾਦਲ ਦੱਸਦੇ ਹਨ ਕਿ, ਹਿੰਦੀ ‘ਚ ਭੇਜੀ ਗਈ ਚਿੱਠੀ ਪੰਜਾਬੀ ਵਿਚ ਕਿਵੇਂ ਬਦਲ ਗਈ? MSG ਫਿਲਮ ਪੰਜਾਬ ਵਿਚ ਕਿਵੇਂ ਰਿਲੀਜ਼ ਹੋਈ? ਸਿੱਧੂ ਨੇ ਕਿਹਾ ਕਿ,ਇਹ ਰਾਜਨੀਤੀ ਨਹੀਂ, ਸੌਦਾ ਹੈ। ਉਨ੍ਹਾਂ ਕਿਹਾ ਕਿ, ਜਿਸ ਨਾਲ ਪੰਥ ਨੇ ਰੋਟੀ-ਟੁਕ ਦੀ ਸਾਂਝ ਨਾ ਕਰਨ ਲਈ ਕਿਹਾ, ਨਾਲ ਹੀ ਉਨ੍ਹਾਂ ਨੋਟਾਂ ਨਾਲ ਵੋਟਾਂ ਦੀ ਸਾਂਝ ਰੱਖੀ ਹੋਈ ਹੈ।
