ਕਿਸਾਨਾਂ ਦਾ ਕੇਂਦਰ ਨੂੰ 26 ਜਨਵਰੀ ਦੇ ਵਿਆਹ ਦਾ ਸੱਦਾ ਭੇਜਣ ਦੀ ਤਿਆਰੀ, ਜਾਣੋ ਪੂਰੀ ਖਬਰ
ਪੰਜਾਬੀ ਡੈਸਕ :- ਖੇਤੀਬਾੜੀ ਕਾਨੂੰਨਾਂ ਵਿਰੁੱਧ ਲਹਿਰ ਨੂੰ ਮਜ਼ਬੂਤ ਕਰਨ ਅਤੇ ਦਿਲਚਸਪ ਬਣਾਉਣ ਲਈ, ਕਿਸਾਨਾਂ ਵਲੋਂ ਵੱਖੋ-ਵੱਖਰੀ ਨੀਤੀਆਂ ਅਪਣਾਇਆ ਜਾ ਰਹੀਆਂ ਹਨ। ਹੁਣ ਕਿਸਾਨਾਂ ਨੇ ਨਵੀਂ ਰਣਨੀਤੀ ਦੇ ਹਿੱਸੇ ਵਜੋਂ 26 ਜਨਵਰੀ ਨੂੰ ਪੰਜਾਬ ਅਤੇ ਦਿੱਲੀ ਦਾ ਵਿਆਹ ਕਰਵਾਉਣ ਦਾ ਪਲਾਨ ਬਣਾਇਆ ਹੈ। ਇਸ ਦੇ ਲਈ, ਕਿਸਾਨਾਂ ਨੇ ਵਿਆਹ ਦੇ ਕਾਰਡ ਵੀ ਪ੍ਰਕਾਸ਼ਤ ਕਰਵਾ ਲਏ ਹਨ, ਜੋ ਸੋਸ਼ਲ ਮੀਡੀਆ ‘ਤੇ ਵਧੇਰੇ ਵਾਇਰਲ ਹੋ ਰਿਹਾ ਹੈ।
ਜਿਵੇਂ ਕਿ ਤੁਸੀਂ ਸਾਰੇ ਜਾਣਦੇ ਹੀ ਹੋ ਕਿ, ਖੇਤੀਬਾੜੀ ਕਾਨੂੰਨਾਂ ਦੇ ਵਿਰੋਧ ਵਿੱਚ ਕੇਂਦਰ ਸਰਕਾਰ ਖਿਲਾਫ ਤਕਰੀਬਨ 50 ਦਿਨਾਂ ਤੋਂ ਦਿੱਲੀ ਦੀਆਂ ਸਰਹੱਦਾਂ ’ਤੇ ਕਿਸਾਨ ਅੰਦੋਲਨ ਕਰ ਰਹੇ ਹਨ ਅਤੇ ਹੁਣ ਕਿਸਾਨਾਂ ਨੇ 26 ਜਨਵਰੀ ਨੂੰ ਦਿੱਲੀ ਵਿੱਚ ਟਰੈਕਟਰ ਮਾਰਚ ਕੱਢਣ ਦਾ ਐਲਾਨ ਕੀਤਾ ਹੈ। ਇਸ ਮਾਰਚ ਵਿੱਚ ਕਿਸਾਨਾਂ ਦੀ ਤਰਫੋਂ ਇੱਕ ਕਾਰਡ ਤਿਆਰ ਕੀਤਾ ਗਿਆ ਹੈ ਜਿਸ ਵਿੱਚ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਗਿਆ ਹੈ। ਇਹ ਕਾਰਡ ਸ਼ਨੀਵਾਰ ਨੂੰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਸੀ। ਇਸ ਕਾਰਡ ਵਿੱਚ ਲਾੜੇ ਦਾ ਨਾਮ ‘ਪੰਜਾਬ ਸਿੰਘ’ ਹੈ ਅਤੇ ਦੁਲਹਨ ਦਾ ਨਾਮ ‘ਦਿੱਲੀ ਮਰਜਾਣੀ’ ਛਾਪਿਆ ਗਿਆ ਹੈ।
ਕਾਰਡ ‘ਤੇ ਸੱਦੇ ਸੰਦੇਸ਼ ‘ਚ ਇਹ ਕਿਹਾ ਗਿਆ ਹੈ ਕਿ, ਕੋਈ ਵੀ ਕਿਸਾਨ ਭਰਾ ਜੋ ਆਪਣੀ ਟਰੈਕਟਰ ਟਰਾਲੀ ਸਮੇਤ ਬਰਾਤ ‘ਚ ਸ਼ਾਮਲ ਹੋਣਾ ਚਾਹੁੰਦਾ ਹੈ, ਉਨ੍ਹਾਂ ਸਾਰਿਆਂ ਨੂੰ ਖੁੱਲਾ ਸੱਦਾ ਭੇਜਿਆ ਜਾਂਦਾ ਹੈ। ਸਿਰਫ ਇਹ ਹੀ ਨਹੀਂ, ਕਾਰਡ ਵਿਚ ਇਹ ਵੀ ਲਿਖਿਆ ਹੋਇਆ ਹੈ ਕਿ ਬਰਾਤ ‘ਚ ਸ਼ਾਮਲ ਹੋਣ ਵਾਲੇ ਲੋਕਾਂ ਲਈ ਖੁੱਲੇ ਭੋਜਨ ਦੀ ਵਿਵਸਥਾ ਕੀਤੀ ਗਈ ਹੈ। ਬਰਾਤ ਦੇ ਚੱਲਣ ਦਾ ਸਮਾਂ 26 ਜਨਵਰੀ ਮੰਗਲਵਾਰ ਸਵੇਰੇ 10 ਵਜੇ ਦਾ ਦਿੱਤਾ ਗਿਆ ਹੈ। ਹੁਣ ਦੇਖਣਾ ਹੋਵੇਗਾ ਕਿ, ਸਰਕਾਰ ਦਾ ਕਿਸਾਨਾਂ ਦੇ ਇਸ ਮਨੋਰਥ ‘ਤੇ ਕੀ ਜੁਆਬ ਰਹਿਣ ਵਾਲਾ ਹੈ। ਕੀ ਸਰਕਾਰ ਨੂੰ ਕੁਝ ਫਰਕ ਪੈਂਦਾ ਹੈ ਜਾਂ ਨਹੀਂ।
