ਝੋਨੇ ਦੀ ਖਰੀਦ ‘ਤੇ ਨਹੀਂ ਦੇਖਣ ਨੂੰ ਮਿਲਿਆ ਕਿਸਾਨ ਅੰਦੋਲਨ ਦਾ ਅਸਰ, ਜਾਣੋ ਕਿਉਂ
ਚੰਡੀਗੜ੍ਹ ਵਿੱਚ ਝੋਨੇ ਦੀ ਖਰੀਦ ’ਤੇ ਕਿਸਾਨ ਅੰਦੋਲਨ ਦਾ ਕੋਈ ਅਸਰ ਨਹੀਂ ਹੋਇਆ। ਸਗੋਂ ਇਸ ਵਾਰ ਝੋਨੇ ਦੀ ਖਰੀਦ ਪਿਛਲੇ ਸਾਲ ਨਾਲੋਂ ਵੱਧ ਰਹੀ ਹੈ। ਇਸ ਬਾਰੇ ਜਦੋਂ ਮੰਡੀ ਕਮੇਟੀ ਦੇ ਅਧਿਕਾਰੀਆਂ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ, ਇਸ ਵਾਰ ਝੋਨੇ ਦੀ ਗੁਣਵੱਤਾ ਵੀ ਪਿਛਲੇ ਸਾਲ ਨਾਲੋਂ ਵਧੀਆ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਾਲ 28640.28 ਮੀਟ੍ਰਿਕ ਟਨ ਝੋਨੇ ਦੀ ਖਰੀਦ ਕੀਤੀ ਗਈ ਹੈ, ਜਦ ਕਿ ਪਿਛਲੇ ਸਾਲ 20512.5 ਮੀਟ੍ਰਿਕ ਟਨ ਝੋਨੇ ਦੀ ਖਰੀਦ ਕੀਤੀ ਗਈ ਸੀ। ਹੋਰ ਵਧੇਰੇ ਜਾਣਕਾਰੀ ਦਿੰਦਿਆਂ ਅਧਿਕਾਰੀਆਂ ਨੇ ਦੱਸਿਆ ਕਿ, ਇਸ ਸਾਲ ਨਵੰਬਰ ਦੇ ਅਖੀਰ ਤੱਕ ਝੋਨੇ ਦੀ ਖਰੀਦ ਕੀਤੀ ਜਾ ਚੁੱਕੀ ਹੈ, ਜਦੋਂਕਿ ਪਿਛਲੇ ਸਾਲ ਲੋਕ ਅੱਧੇ ਨਵੰਬਰ ਤੱਕ ਝੋਨਾ ਵੇਚਦੇ ਸਨ। ਇਸ ਵਾਰ ਝੋਨਾ ਕਮੇਟੀ ਨੂੰ ਵੇਚਣ ‘ਚ ਲੋਕਾਂ ਨੇ ਵਧੇਰੇ ਦਿਲਚਸਪੀ ਵਿਖਾਈ ਹੈ।
ਮਾਰਕੀਟ ਕਮੇਟੀ ਦੇ ਸਕੱਤਰ ਜਰਨੈਲ ਸਿੰਘ ਮਾਵੀ ਨੇ ਦੱਸਿਆ ਕਿ, ਇਸ ਸਾਲ ਕਿਸਾਨ ਅੰਦੋਲਨ ਕਰਕੇ ਝੋਨੇ ਦੀ ਖਰੀਦ ਘੱਟ ਹੋਣ ਦੀ ਉਮੀਦ ਸੀ। ਸ਼ੁਰੂ ਵਿੱਚ ਝੋਨੇ ਵਿੱਚ ਨਮੀ ਹੋਣ ਕਾਰਨ ਖਰੀਦ ਹੌਲੀ ਰਹੀ। ਇਸ ਸਾਲ ਐਫਸੀਆਈ ਨੇ 28349.36 ਮੀਟ੍ਰਿਕ ਟਨ ਝੋਨੇ ਦੀ ਖਰੀਦ ਕੀਤੀ ਹੈ ਜਦੋਂ ਕਿ ਨਿੱਜੀ ਖਰੀਦਦਾਰਾਂ ਨੇ 290.92 ਮੀਟ੍ਰਿਕ ਟਨ ਝੋਨਾ ਖਰੀਦਿਆ ਹੈ। ਜਰਨੈਲ ਸਿੰਘ ਮਾਵੀ ਨੇ ਕਿਹਾ ਕਿ ਬਾਹਰੋਂ ਆਉਣ ਵਾਲੇ ਖਰੀਦਦਾਰ ਵੀ ਝੋਨੇ ਦੀ ਬਹੁਤ ਖਰੀਦ ਕਰਦੇ ਹਨ ਪਰ ਇਸ ਵਾਰ ਕਿਸਾਨਾਂ ਨੇ ਮੰਡੀ ਵਿੱਚ ਝੋਨਾ ਵੇਚਣ ‘ਤੇ ਵਧੇਰੇ ਭਰੋਸਾ ਜਤਾਇਆ ਹੈ।
ਇਸ ਸਾਲ ਛੇਤੀ ਕੀਤੀ ਸ਼ੁਰੂ ਝੋਨੇ ਦੀ ਖਰੀਦ
ਮੰਡੀ, ਚੰਡੀਗੜ੍ਹ ਸੈਕਟਰ -39 ਵਿਖੇ 26 ਸਤੰਬਰ ਤੋਂ ਝੋਨੇ ਦੀ ਖਰੀਦ ਸ਼ੁਰੂ ਕੀਤੀ ਗਈ ਸੀ, ਤਾਂ ਜੋ ਮੰਡੀਆਂ ਵਿੱਚ ਇੱਕ ਹੀ ਦਿਨ ਵਿੱਚ ਆਪਣੀਆਂ ਫਸਲਾਂ ਵੇਚ ਸਕਣ ਦੇ ਯੋਗ ਬਣਾਇਆ ਜਾ ਸਕੇ। ਅਧਿਕਾਰੀਆਂ ਨੇ ਦੱਸਿਆ ਕਿ ਲਗਭਗ 10 ਅਕਤੂਬਰ ਤੋਂ ਬਾਅਦ ਝੋਨੇ ਦੀ ਖਰੀਦ ‘ਚ ਤੇਜ਼ੀ ਵੇਖਣ ਨੂੰ ਮਿਲੀ। ਹੌਲੀ ਹੌਲੀ ਵੱਡੀ ਗਿਣਤੀ ਵਿੱਚ ਕਿਸਾਨ ਮੰਡੀ ਵਿੱਚ ਪਹੁੰਚਣੇ ਸ਼ੁਰੂ ਹੋ ਗਏ। ਇਸ ਸਮੇਂ ਦੌਰਾਨ ਕਮੇਟੀ ਨੇ ਪ੍ਰਬੰਧਾਂ ਵਿੱਚ ਸੁਧਾਰ ਲਿਆਉਣ ਦਾ ਦਾਅਵਾ ਵੀ ਕੀਤਾ।
ਨਮੀ ਵਾਲੀ ਫ਼ਸਲ ਲਈ ਤਿਆਰ ਕੀਤੀ ਗਈ ਨਵੀ ਯੋਜਨਾ
ਜਿਵੇਂ ਹੀ ਕਿਸਾਨ ਆਪਣੀਆਂ ਫਸਲਾਂ ਲੈ ਕੇ ਬਾਜ਼ਾਰ ਪਹੁੰਚੇ, ਇਹ ਦੱਸਿਆ ਗਿਆ ਕਿ 17 ਪ੍ਰਤੀਸ਼ਤ ਨਮੀ ਵਾਲੀ ਫਸਲਾਂ ਨਹੀਂ ਖ਼ਰੀਦੀਆਂ ਜਾਣਗੀਆਂ। ਕਿਸਾਨ ਆਪਣੀ ਫਸਲ ਵਾਪਸ ਲੈ ਕੇ ਘਰ ਨਹੀਂ ਪਰਤਣਾ ਚਾਹੁੰਦੇ ਸਨ। ਇਸ ਲਈ ਨਮੀ ਨੂੰ ਦੂਰ ਕਰਨ ਲਈ ਕਿਸਾਨ ਫ਼ਸਲ ਨੂੰ ਮੰਡੀ ‘ਚ ਹੀ ਸੁਕਾਉਣ ਲੱਗੇ ਸੀ ਪਰ ਸਵੇਰ ਦੀ ਤ੍ਰੇਲ ਤੋਂ ਫ਼ਸਲ ਹੋਰ ਵਧੇਰੇ ਗਿੱਲੀ ਪੈਣੀ ਸ਼ੁਰੂ ਹੋ ਗਈ, ਜਿਸ ਤੋਂ ਬਾਅਦ ਨਮੀ ਵਾਲੀ ਫ਼ਸਲ ਸੁੱਕਾ ਕੇ ਕਿਸਾਨਾਂ ਤੋਂ ਫਸਲ ਖਰੀਦਣ ਦੀ ਯੋਜਨਾ ਬਣਾਈ ਗਈ।
